REGISTRES DU BUREAU

[i566]

occasion plus importante que celle qui se presente aujourd'huy, de ceulx de noz bons subjectz qui ont tousjours monstré porter une singuliere affection au bien de nostre service, nous avons estimé qu'il estoit necessaire, pour satisfaire aux promptes despences de la guerre, que nostre bonne ville et cité de Paris nous secoure, pardon gratuit, de la somme de six cens mil livres, laquelle se pourra lever sur toutes les maisons de nostredicte Ville et autres personnes qui ont cy devant payé les fortiffications et la solde des cinquante mil hommes, voullans.que vous ayez, pour ceste cause, à faire une assemblée de Ville, ainsy qu'il est acoustumé en tel cas, pour y proposer

ce que nous vous mandons presentement, admonester ung chacun que, sur toute l'affection qu'ilz nous portent, ilz ayent à s'évertuer à nous secourir à ce besoing et adviser des moiens qui seront plus propres pour recouvrer promptement la susdicte somme, pour les faire puis après entendre à nostre très cher et très amé frere le duc d'Anjou, nostre Lieutenant general, representant nostre personne par tous noz royaulmes et païs, auquel nous avons donné charge se trouver en lad. assemblée.

"Donné à Sainct Maur des Fossez, le xii" jour de Septembre 15 68, n Ainsy signé: "CHARLES n.

Et plus bas: r de L'Aubespine n.

XCVI. — [Assemblée générale. Délibération sur la lettre qui précède.]

i3 septembre 1568. (Fol. n3 v°.)

Du treiziesme jour de Septembre mil cinq cens soixante huict.

En assemblée generalle le jourd'huy faicte, en la grande salle de l'Hostel de la Ville de Paris, de mess" les Prevost des Marchans, Eschevins, Conseillers de ladicte Ville, de noz sieurs des Cours souveraines, Chappitres, Communaultez, Quarteniers, et quatre notables bourgeois de chascun quartier d'icelle Ville, ainsy qu'il est acoustumé faire en tel cas, pour adviser sur les lettres du Roy envoiées à lad. Ville pour raison de la somme de six cens mil livres tournois qu'il demande, par don gratuit, pour satisfaire aux promptes despences de la guerre, sont comparuz :

Messieurs Legendre, seigneur de Villeroy, Prevost des Marchans;

Sanguin, Hervy, Kerver, de Varadde, Eschevins;

Messieurs de Thou, Premier President, Hennequin, President, Lhuillier, President, Dudrac, Perrot, Viole, Larcher, Lelièvre, Crocquet, Marcel, Conseillers de Ville ;

Messieurs Baillet, Seguyer, de Harlay, Prevost, Dormy, de Varadde, Presidens;

Monsieur Machault, de Fortia, Allegrain, de Nully, Pinart, Hesselin, Conseillers de la Court'¹';

Et autres depputez desdictes Courtz ;

Les deputtez des Chappitres et Communaultez de ladicte Ville ;

Quarteniers :

Sires Nicolas Paulmier, Guillaume Parfaict, Pierre Perlan, Jehan de Beauquesne, Macé Bourlon,Guil-

laume Guerryer, Mathurin de Beausse, Ambroise Baudichon, M" Robert Danetz, Jehan Leconte,Nicolas Bourgeois, le jeune, M^e Thomas Duru, Jehan Bellier, l'aisné, M° Hervé Bergeon, Philbert Bourlon, Nicolas Becquet'²';

Et quatre bourgeois de chascun quartier desd, seize quartiers.

En laquelle assemblée estoit Monsieur, frere du Roy, acompaigné de messieurs les Cardinaulx de Bourbon et de Lauraine, duc de Guise, mareschal Dampville, de Morvillier, evesque d'Orleans, et plusieurs autres seigneurs et gens du Conseil Privé du Roy, en grand nombre;

Qui a dict, entre autres choses, que, encores que le Roy eust dict ausd, s™ Prevost des Marchans la necessité des urgens affaires de ses guerres qui sont telz que chascun sçait, il y estoit bien voullu venir luy mesmes, pour faire plus amplement entendre à la compaignée la volunté de Sa Majesté, qui estoit acompaigné de la requeste qu'il faisoit en particulier, qui est luy octroyer la somme de six cens mil livres par don gratuit, pour emploier aux promptes despences de la guerre; les priant ne le reffuzer pour la premiere requeste qu'il avoit faicte à icelle Ville, ains que chascun eust ù s'évertuer pour y satisfaire. Les asseurant que, outre la recongnoissance que Sa Majesté en fera, ce luy sera une obligation particuliere envers lad. Ville, ainsy que plus amplement le s^r de Morvillier feroit entendre à lad. compaignée.

Led. s^r de Morvillier a dict, entre autres choses, que

-¹' Un échevin était allé la veille prier le Parlement de députer quelques-uns de ses membres pour assister à cette assemblée. (Archives nat., X" 1624, fol. 115 v°.)

'-' Ce dernier, commis Quartenier pour faire la charge de Jacques Kerver, pendant la durée de son échevinat.